ຍິນດີຕ້ອນຮັບທຸກໆທ່ານເຂົ້າສູ່ເວບໄຊ ສູນການແພດຟື້ນຟູໜ້າທີ່ການ
Untitled Document
(1964-1973), the U.S. dropped more than 2 million tons of ordnance on Laos in every 8 minutes, 24 hrs/day, for 9 years, making Laos the most heavily bombed country per capita in history of mankind.
Back War Kill Kid Peace We Build Next
       ເມນູຫຼັກ
   ໜ້າຫຼັກ
   ປະຫວັດຄວາມເປັນມາ
   ການບໍລິການ
   ການເຄື່ອນໄຫວຂອງ ສພຟ
   ສະຖິຕິການບໍລິການຄົນເຈັບ-ຄົນພິການ
 
       ໂຄງການ ສພຟ
   ແຜນຍຸດທະສາດ
   ແຜນແມ່ບົດ
   ໜ້າທີ່ວຽກຂອງໂຄງການ
   ບົດສະເໜີໂຄງການ
 
        ລິ້ງແນະນຳ
 
       ສະຖິຕິຄົນເຂົ້າຊົມເວບໄຊ
    ມື້ນີ້
75
    ມື້ວານນີ້
44
    ເດືອນນີ້
1,705
    ເດືອນກ່ອນນີ້
2,970
    ປີນີ້
1,705
    ປີກ່ອນນີ້
29,097
Untitled Document
ກອງປະຊຸມໃຫຍ່ຄັ້ງທີ່ X ຂອງສະຫະພັນແມ່ຍິງສູນການແພດຟື້ນຟູໜ້າທີ່ການ
    ລົງຂ່າວໂດຍ: ຊ້າງ ພົມ​ພິ​ພັກ   |   ວັນທີລົງ: 02/11/2016 08:24:54

​ໃນ​ວັນ​ທີ 27 ຕຸລາ 2016 ທີ່​ຜ່ານ​ມາ ສະຫະພັນ​ແມ່ຍິງ​ສູນ​ການ​ແພດ​ຟື້ນ​ຟູ​ໜ້າ​ທີ່​ການ ​ໄດ້​ຈັດ​ກອງ​ປະຊຸມ​ໃຫຍ່ ຄັ້ງ​ທີ X ຂອງ​ຕົນຂຶ້ນ ​ໃຫ້​ກຽດ​ເປັນ​ປະ​ທານ​​ໂດຍທ່ານ ດຣ. ​ນາງ ຜາ​ສຸກ ວົງ​ວິຈິດ ຮອງ​ປະທານ​ຄະນະ​ບໍລິຫານ​ງານ​ສະຫະພັນ​ແມ່ຍິງ​ກະຊວງ​ສາທາລະນະ​ສຸກ ​ແລະ​ ປະທານ​ຮ່ວມ​ໂດຍ ທ່ານ ດຣ. ທອງ​ເພັດ ສິດທິ​ວັນ ​ຄະນະ​ໜ່ວຍ​ພັກ​ສູນ​ກາ​ແພດ​ຟື້ນ​ຟູ​ໜ້າ​ທີ່​ການ, ທ່ານ ນາງ ​ແສງ​ຍອດ ​ແກ້ວ​ໄມ​ພິດ ປະທານ​ສະຫະ​ພັນ​ແມ່ຍິງ​ສູນ​ການ​ແພດ​ຟື້ນ​ຟູໜ້າ​ທີ່​ການ ທ່ານ​ ສົມ​ໝາຍ ກິ່ນ​ອົ້ມ ປະທານ​ສະຫະພັນ​ກຳມະບານ​ຮ​າ​ກຖານ ສູນ​ການ​ແພດ​ຟື້ນ​ຟູ​ໜ້າ​ທີ່​ການ ​ແລະ ທ່ານ ທອງ​ສຸກ ມະນີ​ສານ ​ເລຂາ​ຮາກ​ຖານ​ຊາວ​ໜຸ່ມ​ສູນ​ການ​ແພດ​ຟື້ນ​ຟູ​ໜ້າ​ທີ່​ການ   ​ເຂົ້າ​ຮ່ວມ​ໃນ​ພິທີ່​ຄັ້ງ​ນີ້​ມີ ຜູ້​ຕາງໜ້າຄະນະ​ສະຫະພັນ​ແມ່ຍິງ​ໂຮງໝໍ​ມະ​ໂຫສົດ, ​ໂຮງໝໍ​ແມ່​ ​ແລະ ​ເດັກ, ​ໂຮງໝໍ​ແມ່ ​ແລະ ​ເດັກ​ແດງ, ຄະນະ​ເຕັກນິກ​ການ​ແພດ ມວສ, ສູນ​ຜິວໜັງ, ​ໂຮງໝໍ5​ເມສາ, ຫົວໜ້າ​ພະ​ແນ​ກອ້ອມ​ຂ້າງ​ສູນ​ການ​ແພດ​ຟື້ນ​ຟູ​ໜ້າ​ທີ່​ການ, ສະມາຊິກ​ແມ່ຍິງ​ບຳນານ ​ແລະ  ​ສະມາຊິກ​ສະຫະພັນ​ແມ່ຍິງ​ສູນ​ການ​ແພດ​ຟື້ນ​ຟູ​ໜ້າ​ທີ່​ການ ​ໃນ​ພິທີ​ຄັ້ງ​ນີ້ສະຫະພັນ​ແມ່ຍິງ​ສູນ​ການ​ແພດ​ຟື້ນ​ຟູ​ໜ້າ​ທີ່​ການ​ໄດ້​ຜ່ານ​ບົດ​ສະຫຼຸບ​ຕີ​ລາຄາ​ວຽກ​ງານ​ຂອງ​ຕົນ​ໃນໄລຍະ 3 ປີ (2014-2016)ທີ່​ຜ່ານ​ມາ ​ແລະ ທິດ​ທາງ​ແຜນການ​ໃນ​ຕໍ່​ໜ້າ 2017-2019. ນອກຈາກ​ນັ້ນ​ຍັງ​ໄດ້​ມີ​ການ​ເລືອກ​ຕັ້ງ​ຄະນະສະຫະພັນ​ແມ່ຍິງ​ຊຸດ​ໃໝ່ ການ​ເລືອກ​ຕັ້ງ​ຄັ້ງ​ນີ້ມີ​ຜູ້​ລົງ​ສະໝັກ​ເລືອກ​ຕັ້ງ​ທັງ​ໝົດ 09 ສະຫາຍ ​ແລະ ມີ​ຜູ້​ໃຊ້​ສິດ​ເລືອກ​ຕັ້ງ​ທັງ​ໝົດ 78 ສະຫາຍ, ຜ່ານ​ການ​ເລືອກ​ຕັ້ງ​ຄະນະ​ສະຫະພັນ​ແມ່ຍິງ​ຊຸດ​ໃໝ່ສາມາດ​ເລືອກ​ໄດ້ 7 ສະຫາຍດັ່ງ​ລຸ່ມ​ນີ້:

  1. ສະຫາຍ ນາງ ສຸດ​ທະລາ ນວນ​ທອງ   ​         ປະທານ​ສະຫະພັນ​ແມ່ຍິງ
  2. ສະຫາຍ ນາງ ​​ໂສພາ ວົງ​ເດືອນ                  ຮອງປະທານ​ສະຫະພັນ​ແມ່ຍິງ
  3. ສະຫາຍ ນາງ ສຸວັນ​ນີ ກວ້າງ​ບຸນ​ຍະ​ລາດ       ຮອງປະທານ​ສະຫະພັນ​ແມ່ຍິງ
  4. ສະຫາຍ ​ນາງ ສີ​ອາທອນ ພູມ​ມະ​ວົງ             ປະທານ​ກວດກາ
  5. ສະຫາຍ ນາງ ຄຳ​ສອນ ຂຸນ​ວົງ​ທອງ             ຄະນະ
  6. ສະຫາຍ ນາງ ຮັ່ງ ​ເພັງ​ນະ​ພົນ                    ຄະນະ
  7. ສະຫາຍ ນາງ ​ໃບ ​ໄຊ​ຍະ​ວົງ                        ຄະນະ

ຫຼັງ​ຈາກ​ສຳ​ເລັດ​ການ​ເລືອກ​ຕັ້ງ ທ່ານ ດຣ ນາງ ຜາ​ສຸກ ວົງ​ວິຈິດ ຮອງ​ປະທານ​ຄະນະ​ສະຫະພັນ​ແມ່ຍິງ​ກະຊວງ​ສາທາລະນະ​ສຸກ ກໍ​ໄດ້​ໃຫ້​ຄຳ​ໂອວາດ ​​ໃຫ້​ທິດ​ຊີ້​ນຳ​ໃນ​ການຈັດ​ຕັ້ງ​ປະຕິບັດ​ວຽກ​ງານແກ່​ຄະນະ​ສະຫະພັນ​ແມ່ຍິງ​ສູນ​ການ​ແພດ​ຟື້ນ​ຟູ​ໜ້າ​ທີ່​ການ​ຊຸດ​ໃໝ່ ​ແລະ ຄະນະ​ສະຫະພັນ​ແມ່ຍິງ​ໜຸ່ມ​ຊຸດ​ໃໝ່​ກໍ່​ໄດ້​ຂຶ້ນໃຫ້​ຄຳ​ປະຕິຍານ ​ແລະ ຮັບ​​ເອົາຄຳ​ໂອວາດ​ເພື່ອ​ໄປ​ຜັນ​ຂະຫຍາຍ, ຊີ້​ນຳ​ນຳພາ​​ເອື້ອຍ​ນ້ອງ​ແມ່ຍິງ​ພາຍ​ໃນ​ສູນ​ການ​ແພດ​ຟື້ນ​ຟູ​ໜ້າ​ທີ່​ການ ​ໃນ​ການຈັດ​ຕັ້ງ​ປະຕິບັດ​ວຽກ​ງານ​ຕ່າງໆ ກອງ​ປະຊຸມ​ໄດ້​ດຳ​ເນີນ​ໄປ​ດ້ວຍ​ຄວາມ​ຟົດ​ຟື້ນ ​ແລະ ​ໄດ້​ປິດ​ລົງ​​ໃນ​ເວລາ 16:00 ​ໂມງ​ຂອງ​ວັນ​ດຽວ​ກັນ

     

ສູນການແພດຟື້ນຟູໜ້າທີ່ການ
ທີ່ຢູ່: ຖະໜົນຄູວຽງ, ບ້ານ ສີເມືອງ, ເມືອງ ສີສັດຕະນາກ, ນະຄອນຫຼວງວຽງຈັນ, ສ.ປ.ປ ລາວ.
ໂທລະສັບ: (856 21) 214044, ແຟັກ: (856 21) 242702, ຕູ້ໄປສະນີ: ຕູ້ ປ.ນ 5030

ທັງໝົດນີ້ແມ່ນລິຂະສິດ©2015 ຂອງສູນການແພດຟື້ນຟູໜ້າທີ່ການ, ສະຫງວນລິຂະສິດ. ອອກແບບ ແລະ ພັດທະນາ ໂດຍ: ໜ່ວຍງານໄອທີ