ຍິນດີຕ້ອນຮັບທຸກໆທ່ານເຂົ້າສູ່ເວບໄຊ ສູນການແພດຟື້ນຟູໜ້າທີ່ການ
Untitled Document
(1964-1973), the U.S. dropped more than 2 million tons of ordnance on Laos in every 8 minutes, 24 hrs/day, for 9 years, making Laos the most heavily bombed country per capita in history of mankind.
Back War Kill Kid Peace We Build Next
       ເມນູຫຼັກ
   ໜ້າຫຼັກ
   ປະຫວັດຄວາມເປັນມາ
   ການບໍລິການ
   ການເຄື່ອນໄຫວຂອງ ສພຟ
   ສະຖິຕິການບໍລິການຄົນເຈັບ-ຄົນພິການ
 
       ໂຄງການ ສພຟ
   ແຜນຍຸດທະສາດ
   ແຜນແມ່ບົດ
   ໜ້າທີ່ວຽກຂອງໂຄງການ
   ບົດສະເໜີໂຄງການ
 
        ລິ້ງແນະນຳ
 
       ສະຖິຕິຄົນເຂົ້າຊົມເວບໄຊ
    ມື້ນີ້
71
    ມື້ວານນີ້
44
    ເດືອນນີ້
1,705
    ເດືອນກ່ອນນີ້
2,970
    ປີນີ້
1,705
    ປີກ່ອນນີ້
29,097
Untitled Document
ກອງປະຊຸມສະຫຼຸບຜົນງານປະຈຳສົກປີ 2014-2015 ແລະ ຜ່ານແຜນການ 2016-2017
    ລົງຂ່າວໂດຍ: ຊ້າງ ພົມ​ພິ​ພັກ   |   ວັນທີລົງ: 01/09/2016 09:57:23

ໃນ​ວັນ​ທີ 29-30 ສິງ​ຫາ 2016 ທີ່​ຜ່ານ​ມາ ສູນ​ການ​ແພດ​ຟື້ນ​ຟູ​ໜ້າ​ທີ່​ການ ໄດ້​ຈັດ​ກອງ​ປະ​ຊຸມ​ສະຫຼຸບ​ຜົນ​ງານ​ປະ​ຈຳ​ສົກ​ປີ 2014-2015 ແລະ ຜ່ານ​ແຜນ​ການ 2016-2017 ຂອງ​ຕົນ​ຂຶ້ນ​ທີ່ ຫ້ອງ​ປະ​ຊຸມ​ພະ​ແນກ​ສາ​ທາ​ລະ​ນະ​ສຸກ ແຂວງ​ບໍ​ລິ​ຄຳ​ໄຊ ໂດຍ​ການ​ເປັນ​ປະ​ທ່ານ​ຂອງ​ທ່ານ ດ​ຣ. ທອງ​ເພັດ ສິດ​ທິ​ວັນ ຮອງ​ຫົວ​ໜ້າ​ສູນ​ການ​ແພດ​ຟື້ນ​ຟູ​ໜ້າ​ທີ່​ການ ເປັນ​ປະ​ທ່ານ​ຮ່ວມ​ໂດຍ​ທ່ານ ດ​ຣ. ບຸນ​ແສງ ອັກ​ຄະ​ວົງ ຮອງ​ຫົວ​ໜ້າ​ພະ​ແນກ​ສາ​ທາ​ລະ​ນະ​ສຸກ ແຂວງ​ບໍ​ລິ​ຄຳ​ໄຊ ແລະ ທ່ານ ເບີ​ນົວ ຄູ​ດູ​ເຣຍ ອຳ​ນວຍ​ການ​ອົງ​ການ​ສາ​ກົນ​ເພື່ອ​ຄົນ​ພິ​ການ ຊຶ່ງ​ມີ​ທ່ານ​​ຮອງຫົວ​ໜ້າ​ກົມ​ຈັດ​ຕັ້ງ-ພະ​ນັກ​ງານ, ຕາງ​ໜ້າ​ກົມ​ປິ່​ນ​ປົວ, ຄະ​ນະ​ພະ​ແນກ​ສາ​ທາ​ລະ​ນະ​ສຸກ​ແຂວງ, ຄະ​ນະ​ໂຮງ​ໝໍ​ແຂວງ ແລະ ຫົວ​ໜ້າ​ຂະ​ແໜງ​ການ​ແພດ​ຟື້ນ​ຟູ​ຢູ່​ສູນ​ສາ​ຂາ​ແຂວງ, ຮອງ​ອຳ​ນວຍ​ການ​ໂຮງ​ໝໍ​ເຊດ​ຖາ​ທິ​ຣາດ, ຮອງ​ອຳ​ນວຍ​ການ​ໂຮງ​ໝໍ​ເດັກ, ຄະ​ນະ​ສູນ, ຫົວ​ໜ້າ​ພະ​ແນກ, ອຳ​ນວຍ​ການ​ອົງ​ການ​ໃຈ​ບຸນ​ສາ​ກົນ, ຕາງ​ໜ້າ​ອົງ​ການ​ສຶກ​ສາ​ໂລກ, ຕາງ​ໜ້າ​ໂຄງ​ການ​ໂຄບ ແລະ ວິ​ຊາ​ການ​ທີ່​ກ່ຽວ​ຂ້ອງ​ເຂົ້າ​ຮ່ວມ ທັງ​ໝົດ 58 ທ່ານ. ກອງ​ປະ​ຊຸມ​ຄັ້ງ​ນີ້ນອກ​ຈາກ​ສະຫຼຸບ​ຜົນ​ງານ ແລະ ຜ່ານ​ແຜນ​ການ​ແລ້ວ ຍັງ​ໄດ້​ມີ​ກາ​ເຜີຍ​ແຜ່​ພາ​ລະ​ບົດ​ບາດ​ຂອງ​ສູນ​ການ​ແພດ​ຟື້ນ​ຟູ​ໜ້າ​ທີ່​ການ ທີ່​ໄດ້​ຮັບ​ອຸ​ນຸ​ມັດ​ຈາກ​ກະ​ຊວງ​ສາ​ທາ​ລະ​ນະ​ສຸກ ແລະ ຜ່ານ​ໂຄງ​ຮ່າງ​ພາ​ລະ​ບົດ​ບາດ​ຂອງວຽກ​ງານ​ການ​ແພດ​ຟື້ນ​ຟູ​ໜ້າ​ທີ່​ການ​ຢູ່​ສູນ​ສາ​ຂາ, ໂຮງ​ໝໍ​ແຂວງ ແລະ ແຕ່​ລະ​ຂັ້ນ; ຜ່ານ​ແຜນ​ຍຸດ​ທະ​ສາດ​ວຽກ​ງານ​ການ​ແພດ​ຟື້ນ​ຟູ​ໜ້າ​ທີ່​ການ 2016-2020. ໃນ​ວັນ​ທີ​ສອງຂອງ​ກອງ​ປະ​ຊຸມ​ ​ທ່ານ ສາດ​ສະ​ດາ​ຈານ ດ​ຣ. ບຸນກອງ ສີ​ຫາ​ວົງ ລັດ​ຖະ​ມົນ​ຕີ​ກະ​ຊວງ​ສາ​ທາ​ລະ​ນະ​ສຸກ ໄດ້​ໃຫ້​ກຽດ​ເຂົ້າ​ຮ່ວມ​ເປັນ​ປະ​ທານ​ໃນ​ພິ​ທີ​ປິດກອງ​ປ​ະ​ຊຸມ ເຊິ່ງ​ທ່ານກ​ໍ​ໄດ້​ມີ​ຄຳ​ຄິດ​ເຫັນ ແລະ ໃຫ້​ທິດ​ຊີ້​ນຳໃນ​ຫຼາຍ​ບັນ​ຫາ ທີ່​ມີ​ຄວາມ​ສຳ​ຄັນ​ຕໍ່​ກັບ​ວຽກ​ງານ​ການ​ແພດ​ຟື້​ນ​ຟູ​ໜ້າ​ທີ່​ການ. ພ້ອມ​ທັງ​ໄດ້​ແນະ​ນຳ​ໃຫ້​ພະ​ແນກ​ສາ​ທາ​ລະ​ນະ​ສຸກ, ໂຮງ​ໝໍ​ແຂວງ, ສູນ​ກາງ ແລະ ທ້ອງ​ຖິ່ນ​ເອົາ​ໃຈ​ໃສ່​ຕໍ່​ກັບ​ວຽກ​ງານ​ການ​ແພດ​ຟື້ນ​ຟູ​ໜ້າ​ທີ່​ການ ເພາະ​ວຽກ​ງານ​ດັ່ງ​ກ່າວ​ເປັນ​ຂະ​ແໜງ​ການ​​ໜຶ່ງທີ່​ມີ​ຄວາມ​ສຳ​ຄັນ ແລະ ຈຳ​ເປັນ ​ໄປ​ຄ່ຽງຄູ​ກັບ​ວຽກ​ງານການ​ປ້ອງ​ກັນ ແລະ ວຽກ​ງານ​ປິ່ນ​ປົວ​ໃນ​ຂົງ​ເຂດ​ສາ​ທາ​ລະ​ນະ​ສຸກ. ກອງ​ປະ​ຊຸມ​ໄດ້​ປິດ​ລົງ​ໃນ​ເວ​ລາ 16:00 ຂອງວັນ​ທີ 30 ສິງ​ຫາ 2016.​

     

ສູນການແພດຟື້ນຟູໜ້າທີ່ການ
ທີ່ຢູ່: ຖະໜົນຄູວຽງ, ບ້ານ ສີເມືອງ, ເມືອງ ສີສັດຕະນາກ, ນະຄອນຫຼວງວຽງຈັນ, ສ.ປ.ປ ລາວ.
ໂທລະສັບ: (856 21) 214044, ແຟັກ: (856 21) 242702, ຕູ້ໄປສະນີ: ຕູ້ ປ.ນ 5030

ທັງໝົດນີ້ແມ່ນລິຂະສິດ©2015 ຂອງສູນການແພດຟື້ນຟູໜ້າທີ່ການ, ສະຫງວນລິຂະສິດ. ອອກແບບ ແລະ ພັດທະນາ ໂດຍ: ໜ່ວຍງານໄອທີ